努力

自從返工後﹐就少左同兩個影相。
每日放工後系屋企仲忙過返工﹐忙忙忙忙到兩個訓覺又要執執執執﹐最後只係得一鐘左右既時間上上網﹐有時累到值頭唔想沖涼就訓﹐當然我唔似肥老豆噤唔沖涼都可以訓。
如果有得揀﹐我好想系屋企自己湊﹐最少湊到兩歲﹐但實在負擔唔起﹐想快 d 買屋就要勤力存錢。
為左兩個心肝寶貝﹐我要努力﹗﹗

妹妹好鐘意咬手指﹐唔知系咪出牙呢。

哥哥好鐘意同妹妹坐﹐又鐘意妹妹摸﹐妹妹就有 d 無奈喇。

妹妹訓﹐哥哥又要一齊訓 wor。妹妹 d 肥豬肉比哥哥仲要好手感﹐真系忍唔住手。

依家好鐘意玩腳仔架喇﹐我等緊妹妹幾時吮腳趾等我有得影張靚相。

呢張妹妹好老積﹐不得不影。好鐘意坐同企﹐唔講肯定唔覺得係五個月大。