第三次革命

我已經進行緊同阿仔介夜奶。
無錯﹐係第三次。
第一次係阿女出世前。第二次係阿女出世後一個月多 d。
兩次都差唔多成功時就失敗左﹐因為衰心軟﹐阿仔一病就無胃口食野﹐夜晚喊就忍唔住俾左奶佢飲。
今次只許成功﹐因為呢幾晚每兩個鐘就喊奶(對奶敏感﹐所以換左豆奶)﹐羅我命三千。
所以不能再心軟。
等阿仔介完再幫女女介﹐比起阿仔﹐阿女只係夜晚飲一次﹐但都要介﹐免得好似依家噤要命。

飲茶聚會

尋日星期日﹐同左 bk 兩個媽媽去East飲茶。

阿仔一去到就食左兩個蛋 tart﹐yummy!!

妹妹 Sophia 隻脾脾好勁!!

點解無影埋 Sophia? 因為訓左囉。。。

阿仔仲羅左 Ryan 玩具玩﹐但又唔肯同人玩。

Chloe 唔知點解好痴肥佬﹐等佢 feel 下第時有個女痴住佢都好。

Ian bb 大部份時間係訓既

Ryan 好乖架﹐成日都係自己食野﹐唔知阿仔幾時先係噤。

飲完茶﹐返屋企俾兩個訓左陣﹐跟住去 mall 行左陣﹐噤又一日。

腸胃炎

阿仔又病喇。
尋日肚瀉左3次﹐諗住今日再瀉就睇醫生。
點知 daycare 打黎話發燒﹐嚇死我。
老豆拿拿聲帶阿仔去睇醫生﹐結果係腸胃炎﹐最多燒三日。
仲要係好小事﹐去 daycare 就一定會有﹐仲會唔只一次。
我其實係好膽心﹐有邊個做父母既會想睇到自己子女有病。
我仲不停問自己﹐應唔應該自己湊返﹖應唔應該噤早送阿仔去 daycare﹖少左 d 親子時間﹐對阿仔阿女黎講好定唔好﹖我好迷茫﹐我返工既推動力係來自兩個仔女﹐不斷對自己講要努力儲錢買個好 d 地方俾兩個﹐但我做得岩唔岩呢﹖
肥佬無咩意見俾我﹐只係講每個小朋友都會噤樣﹐都會病﹐無咩好膽心。
我好難同佢溝通﹐佢都唔明我既憂慮。
對住兩個老人家都已經好多 conflict﹐仲要佢唔肯去明白我。我好 frustrated。

阿仔今日返 daycare 無再喊﹐仲同我拜拜飛吻。我唔想每次佢習慣左間 daycare 又去重新適應過第二間。聽老師講﹐依家已經食去廁所﹐雖然系屋企仲係唔肯去﹐但已有進步。
我會繼續觀察下呢間 daycare d 衛生﹐希望阿仔唔會再病係無咩可能﹐但都希望佢盡快適應。
辭工湊仔會係我最後既打算。

baby

阿女開始用手羅野玩﹐只要放係佢面前就會申手出黎玩。好過隱。

阿仔仲搞笑﹐成日俾玩具俾妹妹﹐叫妹妹 “玩﹑玩”。我諗阿仔好想有人同佢玩。睇黎早左生妹妹都唔係唔好。

有次妹妹唔係屋企﹐阿仔週圍找妹妹﹐係噤叫妹妹。阿仔已經無噤 jealous 妹妹﹐但就要扮 bb﹐要我抱訓﹐要我拿奶樽餵佢﹐出街又唔行路﹐要抱。阿仔變得越來越 bb。

sophia 四個月體檢

原來妹妹重16磅15安﹐25"高。體重係 95 percentile, 但身高 50 percentile。仲俾姑娘叫肥妹仔。
打左3支針﹐喊到瓜瓜叫﹐仲要扁埋個嘴仔﹐好似好慘噤。
返到屋企就好扭計﹐要抱住訓﹐仲要發燒添。好彩訓左4個鐘 straight﹐夜晚無噤扭計。

轉身

妹妹識轉身啦﹐比起哥哥早左兩個月﹐訓覺仲要則身﹐訓得好舒服噤。
開始俾糊仔妹妹食﹐但每次食都好扭﹐食幾啖就喊。哥哥仲要見到妹妹食野﹐以為好好食﹐係噤叫 mum mum﹐點知俾佢食佢就整個好難食既樣出黎﹐等佢食得噤過引。不過俾 sweet potato 妹妹食﹐哥哥又要﹐仲食到好好味噤樣﹐激死。

生日 party II

尋日係 Amanda 生日﹐同上年一樣同 Edison 一齊慶祝。
所以阿仔年年都會有兩次 celebration。
阿仔雖然好痴身﹐不過後來總算肯自己玩。
個蛋糕好靚﹐阿仔仲好鐘意食﹐雖然有敏感﹐不過既然生日﹐就食少少囉。
都無時間影相﹐大部份都係叫人影。
老豆竟然幫人湊女都唔幫我湊。佢仲要好受小朋友歡迎添。

















妹妹 sophia 同 kieran 好 friend 架﹐互相餵大家食手指。















阿仔俾支音樂蠟燭吸引住。佢一路都叫 mum mum﹐等食蛋糕﹐等左好耐﹐因為要影相。



















因為去左開電話﹐所以好趕﹐但個蛋糕噤靚﹐值得既。

康復中

今日阿仔終於好 d 啦﹐無噤紅﹐精神好好多。
又肯主動叫飲水﹐又肯食些少食物﹐雖然唔多﹐但比起前兩日真係好好多。
希望聽日仲好 d﹐去 party 都去得開心 d。

出疹

尋日睇醫生﹐醫生話係 coxsackie 病﹐出一次以後都唔出。
睇完醫生就尋日晏就開始出疹。
發燒發到今朝零晨4點。
以家身上好多疹﹐成日都唔肯食野飲水。
今日忍唔住睇醫生﹐話係玫瑰疹﹐兩隻病一齊來﹐真係 my god。
出疹係無野可以做﹐只可以等自然好。
希望仔仔快 d 好啦。

發高燒

由星期日中午開始﹐阿仔發燒。
尋日一早帶阿仔去睇醫生﹐可能喉嚨發炎﹐要等報告。
尋晚零晨兩點﹐燒到104.6度﹐嚇到我訓唔到覺。
called 左醫生﹐話唔洗送去 ER 先。
到今日又試 104 度﹐call 爆醫生﹐話返去診所再睇下 wor。
一點左右﹐噤我就 call 99 睇下阿仔幾度﹐話107度﹐嚇到我係公司都想喊。
拿拿聲飛返屋企﹐再睇睇溫度計(有記錄對上一次溫度)﹐原來係100.7度﹐個人即刻無噤驚。
跟住都係帶去睇醫生。好彩無咩大礙。
不過依家仲有102度。

Edison 生日快樂

今日同仔仔提早興祝生日。
去左婆婆屋企到燒烤。
個蛋糕好靚﹐特登去 flushing 買既。
不過阿仔發燒﹐個人好累﹐無咩表情。或者轉學校﹐感染左病。












星期五個日醫生打電話黎話阿仔對牛奶同蛋白敏感﹐level 0-6﹐ 牛奶有level 3﹐蛋白有 level 2﹐都算幾高。所以一定要介口。如果介左仲係咳﹐就要再抽血﹐我真唔想見到仔仔再受抽血既痛苦。